رحلة بورسعيد
ينظم الاتحاد العربي للمحامين في الفترة من 15 ديسمبر 2023 الى 16ديسمبر 2023 رحلة لمحافظة بورسعيد في فوجين...
- فوج رحلة اليوم الواحد بـ اشتراك و قدره 150جنيه للمحامي او المرافق.
- فوج رحلة المبيت ليلة بفندق « جولدن زون » بـ اشتراك و قدره 500جنيه للمحامي و المرافق.
التجمع صباحا امام جامع القائد ابراهيم -محطة الرمل
التحرك في تمام الساعة 7:00Am
العودة في تمام الساعة 6:00Pm
في حالة الاعتذار يلتزم المشترك باحضار بديل
للاشتراك و الحجز عبر الرابط التالي:
رئيس الإتحاد
أ.د/ مسعود اسماعيل
المحامي بالنقض
هنعمل ايه في بورسعيد
المزارات
المعدية
هتنقلك من قارة افريقيا لقارة اسيا مجانا «بورفؤاد» ، و اعمل حسابك في عيش علشان تاكل طيور النورس ، و ممكن نصلي الظهر في مسجد « المجمع الاسلامي » ، ثم زيارة ڤلل بورفؤاد «الحي الفرنسي» البناها الفرنسيين.
جبل الملح
جبال الملح زيارة متتفوتش للملاحات في بورفؤاد ، و اخذ صور تذكارية بين جبال الملح التي تشبه الجبال الجليدية.
المتحف الحربي
بيوثق حرب اكتوبر ٧٣ قطع عسكرية و بانوراما و صور توثق الحرب و دور المقاومة الشعبية و الفدائين فى المحافظة.
ممشي دليسبس
ممشى دليسبس بداية من قاعدة التمثال من نهاية شارع طلعت السادات و حتي مرسى المعدية مرورا بفنار بورسعيد بالمحاذة لمدخل قناة السويس .
كورنيش بورسعيد
الكورنيش مختلف في بورسعيد عن اسكندرية ، في ممشى رابط الكورنيش لاخره على البحر مباشرتا بدون عائق يحجبه ، و ممكن تدخل تتمشي على الشاطئ مجانا او تطلب شماسي و كراسي لو حابب.
حديقة المنتزه
عند جامع الشاطئ بشارع عاطف السادات تستحق الزيارة
حديقه المسلة
متنساش تاخد معاك اكل للحمام و استمتع بأجواء برجل ايڤل اثناء اطعام الحمام و تصميم الحديقة.
حديقة فريال
بتصميمها ذو الطابع الملكي مكان يستحق الزيارة و التقاط الصور.
★ دخول جميع الحدائق مجانا و مع ذلك تتمتع بقدر عالي من النظافة.
شارع البزار
لازم تزور « علوش » و « الفار » اكبر محلين بيبيعوا حلويات و مأكولات مستوردة و بأسعار رخيصة.
اسواق بورسعيد
- سوق الإفرنجي
- سوق الحميدي
- سوق الثلاثيني
- السوق التجاري
- سوق البالة
- شارع طرح البحر
المواصلات
التاكسي فى بورسعيد بـ20 جنيه سعر موحد.
او هنستخدم المشروع ”السرفيس“
الوجبات
مطعم «غنيم» امام مجمع المحاكم و حديقة المسلة ، بيقدم مأكولات متنوعة ( بيتزا ، فطائر ، كريب ، لحوم ، فول ، فلافل ، بطاطس ، كشري ، .......)
او نروح سوق السمك نشتري السمك و نعمله في نفس المكان و نطلب اضافات زى ارز و سلطات......
اشهر محلات الحلويات « سلسبيلا » و جرب الـ « كاساتا » ايس كريم بالقشطة مبيتعملش غير في بورسعيد
المقاهي
قهوة «اخر ساعة» فى نفس الشارع الفيه «مطعم غنيم» تقاطع شارع سعد زغلول و شارع اوجينا بعد مسجد العباسي ، لها طابع خاص و ممكن نقعد نفطر او نتغدا عليها..... ، و لو هتطلب شاى اسأل على نوعه الاول لان عندهم انواع شاي ممكن متكونش واخد على مذاقها لو مش من هواه التجارب.
للحجز↓
Scann or click
يهمنا تفاعلك