;
رحلات نصف العام
رحلات الاتحاد العربي للمحامين
بورسعيد الجمعة 2025/1/24
قيمة الاشتراك 225 جنيه
التحرك من ميدان جامع القائد ابراهيم فى تمام الساعة 7:00am .
التجمع بداية من الساعة 6:30am
استراحة بدمياط برست و حلواني شريف الزيني.
الوصول لمدينة بورسعيد.
جولة حرة بالمدينة يمكن الاستعانة بالدليل اسفله لتحديد اماكن الزيارات حسب الهدف.
العودة و التحرك من مدينة بورسعيد في تمام 7:000m من نفس نقطة الوصول.
زيارة محلات شريف الزيني بطريق العودة و لمدة ساعة لشراء الحلويات الشرقية.
لاستعراض باقي برنامج رحلات نصف العام↓
دليلك الشامل في بورسعيد
اماكن التنزه المجانية.....
١- حديقة فريال
٢- حديقة المسلة
٣- الشاطي تتمشي مجانا ب طول الشاطي
٤- حديقة السلام ( امام جامع السلام )
٥- حديقة المنتزه
٦- المعدية
٧- طيور الفلامنجو
٨- شوارع بورفؤاد
٩- الملاحات ب تكت رمزي
١٠-ساحة مصر و تشوف السفن و هي معدية
المولات و المطاعم
١- بورتو فيش واحلى الاسماك الطازجه والمتنوعه - اسماك عالم البحار وتراث بورسعيد فى البازار - سيتي مول.
( المول فية اكتر من كافية و مطعم اسماك و مشويات و ملاهي لاطفال )
٢- مول هولييود ( هناك هتلاقوا ملاهي لاطفال و الكبار ⚪️ترامبولين تحفة )
ملاهي ⚪️fly town بـ جنيه بس هتلعب و تتنطنط و تطلع كل الطاقة.
٣- سفاري مول ( دة احدث مول فتح في بورسعيد هتلاقوا هناك ملاهي لاطفال ⚪️ fun land ب اسعار بسيطة فديو جيم و مطعم مشويات و كباب ⚪️( كباب الطناوي ) الاقبال علية تاريخي من يوم ما فتح )
٤- هلنان وك بورفواد⚪️ eight street ( المكان دة تحفة ، بعد زيارة جبال الملح لازم تعدي علي المطاعم هناك ، جربنا المرة الاخيرة ساندوتشات الكبدة و الاستربس من eight street )
٥- الجراج ( مينفعش تيجي بورسعيد و متروحش الجراج و تجرب ساندوتشات البطارخ ب الزبدة من ⚪️نص مشكل او تشرب قهوة و اختراعات من ⚪️جلال )
٦- شاطي دعية ( من اجمل الاماكن في بورسعيد ، تحس انة جو سينا اوي هناك ، و كل جمعة و سبت في بازار هاند ميد تحفة )
٧- شيمني كيك ( عندنا في بورسعيد اختراع اوربي ، الي بيجربة بيدمنة ) حقيقي
٨- شارع طرح البحر ( كلة كافيهات تحفة و من اجمل الاماكن الي لازم تروحها
⚪️كافية الفابيتو ، هتحس حقيقي انك في ايطاليا حرفيا او تسهر للصبح في ⚪️اوربرا لونج
او تاكل احلي و افضل سعر زنجر في مصر من ⚪️high burger
٩- مطعم مودز ( دة علامة من علامات بورسعيد ، احسن برجر و بطاطس ممكن تجربها )
١٠- سكيب رووم escape room دة مكان خاص ب الشباب الي قلبهم جامد و مش بيخافوا خالص
اماكن التسوق shopping 🛍
ا- اسواق الحميدى والتجارى اسعار منخفضه عن جميع الاسواق وبضائع متنوعه.
٢- العطور الاصلي المستوردة الاصل و الجملة في بورسعيد ( فتح اللة سنتر ).
٢- الشكولاتة المستوردة هتلاقوا اكتر من حد في بورسعيد ، محلات علوش - رسلان - الغريبى - محلات محمود الفار
عندهم تنوع كبير ل حلويات 🍫 الكريسماس 🎅 ، كانك في سويسرا 🇨🇭 فعلا.
٣-مول خاص ب الملابس الاوربية out let و دة اول مول في مصر ( المكان بجوار سوق السمك ) هتلاقوا هناك محلات كتير زي⚪️ جدو محمود و via roma.
و شارع الصباح امام الكهرباء في محلات براندات برضو زي ⚪️الربيع.
٤ - ومول الفرما بجوار مبنى التأمين الصحى ومجموعه متكامله من المعروضات ملابس عطور احذيه اكسسورات ادوات منزليه.
٥- الملابس البراندات الجديدة التحفة عند⚪️ اسواق حمام بورفواد ( المحل دة بيجيوا لية الفنانين و المذيعين من مصر 🇪🇬 كلها )
٦- محل⚪️ dodge stocks ملابس رجالي براندات جديدة بالتكت و متاح مقاسات.
٧- ملابس بالة كريمة عند محلات ⚪️جدو محمود شارع محمد علي.
٨ -زيوت عطور خام بجودة عالية جدا عن تونيز twins ليهم فروع كتير في بورسعيد و متاح جملة و قطاعي.
٩- مول البازر الجديد ( هتلاقوا فية اكل حلو اوي اوي ) و من افضل المحلات الي لازم تعدوا عليها⚪️ دكان العسل. عسل طبيعي و تمور.
١٠- حلويات صحية كوكيز و جاتوهات من⚪️ bakeoff٠.
١١-ملابس بيت و اقطان من mai fashion.
١٢-جينز 👖 البورسعيدي دة اصلا بيتصدر هتلاقوة عند nimo jeans 👖.
١٣- حلل ارشا و كل حاجة المطبخ ، مايكنة القهوة و air fryer و حلل الضغط عند ⚪️الحرمين.
١٤- سالي ستور كل انواع المكياج الاصلي المستوردة.
١٥ -صالون ماريا ازابيل
( من ارقي الاماكن في مصر ل تنظيف البشرة و pedicure) ليهم فرع في بورسعيد و الرحاب
الاماكن التاريخية ببورسعيد
١- المتحف الحربي
٢- الفنار
٣- البيت الايطالي
٤- فيلا فرناناند دليسبس
٥- كنيسة سانت اوجيني
المزارات
المعدية
هتنقلك من قارة افريقيا لقارة اسيا مجانا «بورفؤاد» ، و اعمل حسابك في عيش علشان تاكل طيور النورس ، و ممكن نصلي الظهر في مسجد « المجمع الاسلامي » ، ثم زيارة ڤلل بورفؤاد «الحي الفرنسي» البناها الفرنسيين.
جبل الملح
جبال الملح زيارة متتفوتش للملاحات في بورفؤاد ، و اخذ صور تذكارية بين جبال الملح التي تشبه الجبال الجليدية.
المتحف الحربي
بيوثق حرب اكتوبر ٧٣ قطع عسكرية و بانوراما و صور توثق الحرب و دور المقاومة الشعبية و الفدائين فى المحافظة.
ممشي دليسبس
ممشى دليسبس بداية من قاعدة التمثال من نهاية شارع طلعت السادات و حتي مرسى المعدية مرورا بفنار بورسعيد بالمحاذة لمدخل قناة السويس .
كورنيش بورسعيد
الكورنيش مختلف في بورسعيد عن اسكندرية ، في ممشى رابط الكورنيش لاخره على البحر مباشرتا بدون عائق يحجبه ، و ممكن تدخل تتمشي على الشاطئ مجانا او تطلب شماسي و كراسي لو حابب.
حديقة المنتزه
عند جامع الشاطئ بشارع عاطف السادات تستحق الزيارة
حديقه المسلة
متنساش تاخد معاك اكل للحمام و استمتع بأجواء برجل ايڤل اثناء اطعام الحمام و تصميم الحديقة.
حديقة فريال
بتصميمها ذو الطابع الملكي مكان يستحق الزيارة و التقاط الصور.
★ دخول جميع الحدائق مجانا و مع ذلك تتمتع بقدر عالي من النظافة.
شارع البزار
لازم تزور « علوش » و « الفار » اكبر محلين بيبيعوا حلويات و مأكولات مستوردة و بأسعار رخيصة.
اسواق بورسعيد
سوق الإفرنجي
سوق الحميدي
سوق الثلاثيني
السوق التجاري
سوق البالة
شارع طرح البحر
المواصلات
التاكسي فى بورسعيد بـ 30 جنيه تقريبا سعر موحد.
او هنستخدم المشروع ”السرفيس“
الوجبات
مطعم «غنيم» امام مجمع المحاكم و حديقة المسلة ، بيقدم مأكولات متنوعة ( بيتزا ، فطائر ، كريب ، لحوم ، فول ، فلافل ، بطاطس ، كشري ، .......)
او نروح سوق السمك نشتري السمك و نعمله في نفس المكان و نطلب اضافات زى ارز و سلطات......
اشهر محلات الحلويات « سلسبيلا » و جرب الـ « كاساتا » ايس كريم بالقشطة مبيتعملش غير في بورسعيد
المقاهي
قهوة «اخر ساعة» فى نفس الشارع الفيه «مطعم غنيم» تقاطع شارع سعد زغلول و شارع اوجينا بعد مسجد العباسي ، لها طابع خاص و ممكن نقعد نفطر او نتغدا عليها..... ، و لو هتطلب شاى اسأل على نوعه الاول لان عندهم انواع شاي ممكن متكونش واخد على مذاقها لو مش من هواه التجارب.
يهمنا تفاعلك