لو انت محروم من ابنك ومش عايز تشوفه عن طريق المحكمة والرؤية… هتعمل إيه؟!!!!
✍️ الأستاذ إسلام الخولي – المحامي
لو انت محروم من ابنك، ومش عايز تدخل في دوامة محاكم ورؤية، ومامته منعاك تشوفه، ومش عارف ابنك دخلته أنهي مدرسة… اتبع الخطوات القانونية دي بالترتيب 👇
★ أولًا:
1️⃣ بالرقم القومي الخاص بابنك تدخل على تطبيق فوري وتختار من الخدمات (التعليم) ثم وزارة التربية والتعليم هيطلب منك الرقم القومي 👉 هيظهر لك اسم المدرسة اللي ابنك مقيد فيها.
★★ ثانيًا:
2️⃣ تتوجه للإدارة التعليمية التابع لها المدرسة وتقدم طلب متابعة تعليمية طبقًا للكتاب الدوري رقم 29 لسنة 2017 بالإجراءات المتبعة حال وجود نزاع بين الوالدين والخاص بمسائل الولاية التعليمية.
★★★ ثالثًا:
3️⃣ وارد جدًا يرفضوا في الإدارة ساعتها تدخل لمدير الإدارة التعليمية ولو تقدر خُد معاك الكتاب الدوري (وهو متاح على الإنترنت).
لو رفض برضه قوله صراحة: أنا هبعتلك إنذار رسمي ولو ما طلعش جواب المتابعة هتقدم شكوى للنيابة الإدارية.
★★★★ رابعًا:
4️⃣ لو صمم على الرفض وقالك “روح اشتكي” وده أسلوب معروف عند بعض موظفي الحكومة كنوع من فرض السيطرة.
اعمله الآتي:
- ابعت له إنذار على مقر عمله
- ارجع له تاني
- لو صمم على الرفض، اتصل بالنجدة
- واطلب منهم إثبات حالة رفض
★★★★★ خامسًا:
5️⃣ من مكانك اكتب شكوى للنيابة الإدارية وابعتها واتس آب على رقم شكاوى النيابة الإدارية.
خلال يومين:
- هيتم تسجيل الشكوى
- هيتم استدعاؤك لسماع أقوالك
- تكون مجهز الإنذار ومحضر إثبات الحالة
بعدها:
📞 هتلاقي مدير الإدارة التعليمية بيتصل بيك وبيقولك: اتفضل يا أستاذ استلم جواب المتابعة التعليمية.
★★★★★★ سادسًا:
6️⃣ تروح المدرسة وتقدم جواب المتابعة وتتابع ابنك وتشوفه بشكل طبيعي ومحدش يقدر يمنعك قانونًا.
ولو مدير المدرسة رفض تنفيذ جواب المتابعة:
كرر نفس الخطوات السابقة بالضبط لأن:
أغلب موظفي الحكومة لا يلتزمون إلا بعد الشكوى والتحقيق.
★ ملاحظة قانونية مهمة ★
الموضوع ده بيتم داخل جدران المدرسة وتحت رعاية ووصاية المدرسة.
يعني:
❌ مفيش حاجة اسمها ياخد الطفل ويمشي لأن كده جريمة الطفل في عهدة المدرسة وأي إخلال بذلك هيعمل مشكلة للمدرسة وللأب.
😒 أصل أبوه ما بيصرفش عليه
عندك:
- دعوى نفقة
- لو ما دفعش: دعوى متجمد (حبس شهر)
- لو استمر: جنحة نفقة (حبس سنة)
😒 أصل أمه زعقت في المدرسة وقالت هتعمل مشاكل
ولا كأنك سمعت حاجة ده حق قانوني أصيل للأب وتقدر تستخدمه.
يهمنا تفاعلك